Pasasalamat

Kadalasan, hindi natin nakikita ang silbi ng mga maliliit na bagay hanggang sa dumating na sa puntong nagkakaroon na ng diperensya sa maliit na bagay na yon.

Yun bang mismong gigising ka sa umaga na magagawa mong mailingon ang ulo mo sa kanan ng hindi ka masasaktan kase wala kang stiff neck, makakatayo ka ng tuwid mula sa pagkakahiga mo dahil wala kang nararamdamang sakit sa paa mo, at wala ding magiging sagabal sa bawat paglunok mo, dahil hindi namamaga ang tonsilitis mo. Iilan lamang yan sa tingin natin ay maliit na bagay lamang pero dapat nating ipagpasalamat na hindi tayo umiinda ng sakit sa mga parteng iyon.

Hindi porke't wala tayong nararamdaman miski kaunting sakit sa ilang parte ng katawan natin, ay sige pa rin ang pag-abuso natin. Ngayon, na realize ko, kahit pa sobrang kasuluk-sulukan yan ng katawan mo, once na uminda ng sakit yan, dama yan ng buong katawan mo.. Hangga';t maaga pa, makinig sa mga senyales, wag balewalain.. Kagaya nga ng sinasabi ng mga nakatatanda, NASA HULI ANG PAGSISISI.