be careful what you wish for.. you might just get it

Pagkatapos ng walang tigil na pag-ulan nung nakaraang linggo, parang bumabawi naman si haring araw dahil sa day-off nya. Super sa init, kahit gabi. Natuyo na nga yata yung baha sa may dinadaanan ni kuya kapag hinahatid nya ko sa school tuwing umaga at ako naman madalas iritable dahil tumatagaktak ang pawis ko madalas. Ngayon naman, pinagdarasal ko na sana umulan ng bonggang bongga para naman kahit papano humimbing naman ang tulog ko..

Galing ako sa bahay ng kaklase ko kagabi kase sana pupunta kaming tagaytay. Sa kamalasan, hindi natuloy kase masyado nang hapon at nagbabadya naman ang kakompetensya ni haring araw sa pagrampa nya na hindi naman natuloy.. Wala lang pinaatat lang kami sa Tagaytay, kaya naman nagdesisyon na lang ang buong tropa na mag-inom. Gumigimik ako pero hindi talaga ako umiinom maliban na lang kung trip ko which is bihirang-bihira namang mangyari. So ayun nag-inom sila habang ako tulog.. kekekeke.. Nakakahiya pa kase bonggang bonggang humihilik ako hahah! blehh! :P wafakels, sarap ng tulog ko eh bakit ba?

So ayun, ang saya-saya nilang nag-iinuman habang ako, kung saan saan na nakakarating sa panaginip ko at nung paggising ko naman eh wala akong matandaan kung ano man ang mga nangyari sa panaginip ko.. Sayang..

Actually, kakauwi ko lang at nakaharap na agad ako sa laptop ko kase nga naman pinangako ko na kakaririn ko na ang pag ba-blog dba? Ni hindi man lang muna akon nag hello kay Mama sa messenger nya hahaha! At kaya nga pala ako umuwi ay para makapag-update sa plurk, twitter, facebook, mag blog, at magbihis kase itutuloy na namin yung pinaplano naming pagpunta sa Tagaytay nang biglang..




UMULAN! bwakanasyet na buhay to.. Oo nga pala, pinagdasal ko na sana umulan kase super init na.. Pero.. wrong timing eh! diba?!



sigh!